前文再續(xù)，書接上一回~ 崔與之出世前后，崔世明為一個叫鐘遂和嘅官人醫(yī)病，而且仲醫(yī)好咗佢二個仔嘅病。就係因為甘，崔家同鐘家成為咗好朋友。崔與之自細就係鳳凰山腳長大，到佢十五歲個陣佢老竇崔世明就過咗身啦。崔家失去咗主要嘅經(jīng)濟來源，崔與之嘅老母羅氏唔知點為崔與之供書教養(yǎng)。當時，喺番禺蘿崗退休定居嘅鐘遂和聽聞好友過世嘅消息，就叫崔與之去佢屋企讀書。原來鐘遂和退休后喺蘿峰山腳起咗間書舍，改名種德庵，仲請埋先生（即係老師）翻黎教佢嘅仔讀書。鐘世伯嘅第四個仔鐘啟初（玉喦）同崔與之差唔多年紀，所以羅氏一聽到呢個消息，知道呢個係個難得嘅機會，所以就送咗崔與之去種德庵讀書啦。鐘氏夫婦將崔與之視為己出，崔與之喺度一讀就讀咗十幾年書啦。
崔與之少年嘅時候就已經(jīng)立志不凡啦，但係由于家境貧困，導致佢遲遲不得志。佢讀書期間娶咗林氏為妻，并生咗個仔崔叔似。當時崔與之仲結(jié)交咗唔少學友，其中增城老儒生林介等學友係崔與之三十二歲嘅時候資助佢北上京師臨安（今杭州）去太學讀書。太學係當時公辦學校嘅最高等級啦，但係由于路途遙遠，而且考取功名又唔系甘容易，所以好多嶺南嘅學子都唔愿意貿(mào)貿(mào)然去太學讀書。
終于係南宋淳熙十六年（1189年），崔與之考上咗太學。佢同其他同學唔同嘅地方係佢黎自嶺南偏遠嘅地方，盤纏唔多，所以佢日讀夜讀，喺臨安呢個大城市都冇出去玩，立志四年之內(nèi)要考到進士。功夫不負有心人，終于，喺紹熙四年五月（1193年）嘅考試當中，崔與之考中進士乙科，并成為嶺南學子入讀太學中進士嘅第一人。就係因為甘，崔與之亦都被人稱為“嶺南第一人”，成為嶺南學子嘅榜樣。
故事講到呢道，欲知后事如何，且聽下回分解啦~
聯(lián)系客服
