一個女人撥人家辣背后議論：“儂覺得著伐，伊蠻嗲個?！边€有個女人同樣辣撥人家背后頭議論：“你儂覺得著伐，她伊蠻會得發(fā)嗲個”。
嗲搭仔發(fā)嗲意思一樣個伐？儕是褒義？儕是貶義？還是一個褒一個貶呢？
上海人會得搭儂講，講女人嗲，搿是褒義，講女人辣發(fā)嗲則是貶義。
嗲是從里而外個自然流露出來個，發(fā)嗲則是像吹洋泡泡一樣硬勁吹出來個。發(fā)嗲搭仔嗲個關系，類似于東施效顰。
經?？梢岳泵襟w浪看到對“嗲”個各種說法，常常就是女人辣講，看上去儕是老嗲老嗲個，必過，像我搿種寫過《上海女人》個人來看，啥人是真?zhèn)€嗲，啥人是辣辣發(fā)嗲，啥人是裝出來個嗲，只要一看就可以看出來了。
“哦喲，儂哪能介嗲個啦？”“儂辣發(fā)啥個嗲啦？”“嗲勿煞儂唻！”一個女人假使撥人家搿能講個閑話，葛末，搿個女人是撥人家討惹厭個。
大多數個男人喜歡碰著一個嗲個女人，但是邪氣討厭碰到一個發(fā)嗲個女人；假使碰到一個女人勿僅僅發(fā)嗲，而且還口口聲聲講自家老嗲個，是嗲妹妹，搿實在是讓人汗毛凜凜個。道理邪氣簡單，發(fā)嗲個人是勿嗲個人。嗲應該是讓人家感覺個，勿是自家去講出來個。
林黛玉是最嗲個，辣《紅樓夢》里就嘸沒第二個撥稱做妹妹個，說明伊個嗲是撥大家公認個，但是，伊從來勿講自家是嗲妹妹。相反，倒是一直勿承認自家是邪氣嗲個：“我勿配個呀，我哪能比得上寶姐姐呢？”
當然，發(fā)嗲個女人實在是勿少，以嗲自居個女人也有交關。有個自稱是嗲妹妹個小女人，伊常莊發(fā)嗲個，但是一轉身，拿起手機，哇啦哇啦，聲音具有邪氣刺耳朵個穿透力，搿就是伊本質浪勿嗲個一面。
應該承認，嗲要包括一個女人個各個方面，嬌媚、溫柔、情趣、談吐、姿色、出身、學歷、技藝，還要包括伊個身高、音色、體重等等生理因素。
因為嗲，當一個女人做對了啥事體，或者做錯了啥事體個辰光，伊會得更加容易獲得人家個認同或者寬容。面對女人個嗲搭仔勿嗲，命運是勿公道個。 看到了人家因為嗲而獲得利益了，就會有人也來發(fā)嗲了。“金絲鳥”本來是老嗲個稱呼，現在卻是變種了，歡喜養(yǎng)鳥個男人獨獨勿養(yǎng)金絲鳥。
有一日天，一個女小囡開車，因為剛剛拿到駕照，來勿及剎車，撞到前頭小車個后屁股浪，雖然是勿大嚴重，但是畢竟是拿人家個尾燈撞壞脫了。女小囡下車，前頭車子浪個男人已經沖過來了，面色還邪氣難看。女小囡先開口：“勿好意思，我哪能會得撞著儂個啦？”男人心里就想：廢閑話，儂撞我，還要問哪能會得撞著我？但是看伊倒是一眼也勿賴，承認是撞伊了，搿男人個火就發(fā)勿出來了：“哪能撞要問儂個呀。”女小囡又問：“葛末，葛末……撞壞脫了勿啦？”男人就笑出來了：“尾燈也被儂撞下來了，還問撞壞脫了伐?！迸∴镉种v：“葛末，要緊勿啦？”男人有眼哭笑勿得：“儂講要緊伐？”“葛末，要賠儂勿啦？”“哦喲，算了算了，算我倒霉。我自家去進保險伐。下趟開車子要當心點噢?！迸∴镒詈髠€一句閑話又剛好是第一句閑話：“勿好意思噢?！?/span>
假使搿個女小囡長得黑不溜秋，小眼睛、大嘴巴、塌鼻頭，聲音沙啞，看勿到腰身，雖然搿眼儕勿好算缺點，但是嗲是講勿上了，講勿定也就要賠人家個尾燈了。
所謂嗲，就是嬌滴滴。望文生義，就好比是老清早樹葉上頭個一滴露珠，樹葉有眼撐勿牢露珠個重量，露珠辣樹葉上頭慢慢叫淌下來；搿滴露珠假使忒重，就會得一記頭從樹葉上頭滑下來，假使忒輕了呢，就沾辣樹葉浪向，勿會掛辣樹葉個尖尖頭浪個；當儂看到一滴露珠就掛辣樹葉個尖尖浪，將滴還沒滴，就是嬌滴滴，就是嗲到了恰到好處。
嗲是一種分寸，是一部分女人天然個黃金把握。搿種黃金把握個意思是，伊個嗲具有精密度搭仔精準度，而搿兩個度，就像一個人個膚色，幾乎就是天生個。
以上文字是我辣《上海女人》一書當中寫到個。一晃十年過去了，“上海女人”仍舊是一個符號，而且邪氣玄妙?！班恰敝皇请∫粋€非常玄妙個符號當中邪氣小個符號，更重要個符號，也就是核心競爭力，根本勿是嗲可以概括個。
前段時間，著名電影表演藝術家梁波羅老師有一段有關上海市井生活個滬語朗讀，傳播邪氣廣，其中也講到了“嗲”，并且講出了嗲也是一種青春飯：小姑娘個嗲是糯米嗲，小女人個嗲是豆腐嗲，中年女人個嗲就有眼難聽了，叫咸菜嗲，有眼刻薄，必過倒也有眼像個。
《上海女人》嘸沒講嗲個實際內容，講個是比嗲更加高級個氣質，社會浪還是有點反響個。兩個勿同個封面，是因為辣2007年藍封面第一版?zhèn)€五年之后，出版社再版了。有眼人講：看勿出，一個男人倒是拿上海女人寫得蠻像個；當然，也有人勿屑一顧：搿種《上海女人》也算好個??？勿要發(fā)嗲了吧。好像，是拿“上海女人”也罵進去了。
