滬語朗讀：渺渺如胭
朗讀者
上海人個檔次儕勒
作者：馬尚龍
滬語改寫：丁迪蒙
勒上海，從小癟三到大老板，可以劃分出老老多老老細(xì)個經(jīng)濟文化層次，或許，一個窮人可以是洋裝癟三，但是，歸根結(jié)底是騙勿了人個。搿個就是儂住勒啥地方？
首先，會撥以上只角、下只角、中只角來界定。搿個人個上、中、下流，下只角個一定是下等人，上只角個卻未必是上等人；覅認(rèn)為住勒上只角個大環(huán)境里向就算得上是上只角個人了，還需要自報家門個類型，勿必去看伊面?zhèn)€房子，就已經(jīng)可以掂量出對方個家底了。而搿個家底，就是郅弄、里、坊、邨、樓，五大民宅個類型稱謂，檔次搭仔身份就儕勒其中了。
住別墅個人實在是過于少了，可以勿算作普通民宅。
郅弄呢，是最低檔個貧民窟，窮人住個。滾地弄，蕃瓜弄，楊家弄，房子結(jié)構(gòu)就是矮平房，一塊絹頭可以當(dāng)作窗簾，以前個蘇北人集中居住個地方往往就是以弄冠名個。
里，是最廣泛、最普通個房子了，幾乎所有個石庫門儕撥稱作XX里，步高里，漁陽里……比石庫門好一點、差一點個房子，也常莊歸類勒其中；里搭仔弄，是構(gòu)成上海最普遍個民宅架構(gòu)，叫做里弄。
坊，就上層次了，會得有衛(wèi)生設(shè)備，所謂個新式里弄房子，可以算作坊，花園坊，淮海坊，尚賢坊，巴金曾經(jīng)住勒淮海坊，勒淮海路搭仔陜西南路路口。
邨，雖然也可能是勒弄堂里，象陜南邨搿能完美個花園小區(qū)屬于少數(shù)；以邨冠名，最具有標(biāo)志意義個是蠟地鋼窗——長條柳桉打蠟地板搭仔鋼窗，有獨用個衛(wèi)生設(shè)備，弄堂口有鐵柵欄個門，或許勒大躍進時代撥拆脫去大煉鋼鐵了，但是鐵門個痕跡還勒海；幾十年以后，雖然鋼窗稍微有點變形、開啟比較困難，但主人勿愿意更換成為鋁合金窗。像長樂邨，四民邨，光明邨，夢邨……
樓個檔次或許還要更高一點，所有個公寓儕是樓，有一些公寓就以樓相稱。凡是住勒邨搭仔樓里向個人，儕是有知識、有文化、有經(jīng)濟能力個人。
郅，還應(yīng)該有村，村是解放以后造起來個房子，相當(dāng)于里。因為是解放以后成批成批造起來個工人新村，后首來也叫做新公房，火柴盒子結(jié)構(gòu)，譬方曹楊新村、郵電新村、上鋼新村，任何一個新村地塊儕可以延伸造下去，因此就有了一村、二村、一直到十村。
圖片來自網(wǎng)絡(luò)
往期回顧：
“上海言話講起來”旨在傳播滬語，若有不當(dāng)之處，敬請留言指正。
感謝您的支持轉(zhuǎn)發(fā)，歡迎關(guān)注本公眾號
聯(lián)系客服
