滬語朗讀：王維杰
可敬可親個丈母娘
作者：陳黨耀
上海話改寫：郭莉
誦讀：王維杰
滬語指導：丁迪蒙
我個丈母娘屬雞，90歲唻。自從十幾年前老丈人過世，丈母娘就一家頭住勒市中心一幢老公房里。丈母娘看上去就是個普通個老太太，不過我是越來越覺著伊了勿起。
丈母娘幼年喪母，勿滿10歲就撥親眷從寧波鄉(xiāng)下帶到上海來，勒一家電器店里打雜。小小個年紀每日天要燒十幾個人個飯。后首來到亞明燈泡廠做工，高溫、粉塵、有毒有害，啥個苦伊儕吃過……
三年自然災害辰光，我丈人剛剛30出頭，就檢查出肝硬化腹水加黃疸，醫(yī)生要家屬準備后事。丈母娘變賣了屋里向所有值銅鈿個物事，用盡了偏方，歷經(jīng)數(shù)年，硬勁救活了我個丈人。2010年6月，過好80歲生日個老丈人平靜個離開人世。親朋好友儕講：嘸沒老太太，老先生老早就歿了。
丈母娘小辰光嘸沒讀過一天書，解放以后讀過一搶掃盲班，但是電視里播放個越劇、滬劇，屏幕下頭滾動個戲文唱詞，丈母娘會得一個字爺勿錯個讀出來。
每年阿拉會得接丈母娘到屋里來住一搶?？匆娢掖罄涮爝€赤膊鍛煉，伊就一邊用干毛巾搭我揩背，一邊催：快點去著好衣裳，儂想生毛病啊！
廿多年前，有趟單位聚會，我逞能多吃了幾杯酒，酒癡糊涂扶牢墻壁回到屋里向。丈母娘第二天早浪起來，狠狠叫個拿我訓脫一頓，伊講，儂迭個女婿是我半個兒子，晚年個依靠，哪能可以搿能勿愛惜身體個！從此以后，我再也嘸沒貪杯吃醉過。我女兒出嫁辰光，丈母娘搭我講：儂是我?guī)资陚€老女婿了，現(xiàn)在儂自家也有女婿了。不過要是看到有啥勿對，我照樣會得毫勿留情講出來個。
廿多年前，丈母娘個娘家侄女滿16歲，按政策回到上海，但是居無定所，丈母娘毫勿猶豫收留伊，直到伊拉自家買了房子。老丈人最后個日腳里，迭家親眷特地住過來，幫忙照顧老丈人，迭個就是丈母娘個好心有了好個回報。
天氣好個辰光，丈母娘到附近襄陽公園或者文化廣場個綠地活動活動。伊戴仔副近視眼鏡，搭各種勿同年齡個朋友嘎嘎山湖，還主動擔起“老娘舅”個責任，幫人打開心結，渡人自渡。交關老朋友儕尊稱伊吳老師，盡管丈母娘自嘲自家是大字也勿識幾個個。
丈母娘盡管每日天儕忙，但是伊安排好家務，還常莊去跳跳交誼舞，探戈、倫巴，就連轉得老快個快三步，一圈一圈儕跳得起勁得來。伊個衣裳、鞋子儕老時髦個。丈母娘講：佛要金裝，人要衣裝，年紀大了穿得邋遢，就會得討惹厭個。
伊妹兒、微信迭眼新名詞剛剛出爐，丈母娘就會講出搿種詞語來。平常辰光，更是俚語、俗語張口就來，啥個“擺渡擺到江邊，送佛送到西天”；啥個“好花勿常開，好景勿常在”；啥個“勿怕勿識貨，只怕貨比貨”；還有啥個“笨到底、犟到死”，一套一套，針對性強得來！
丈母娘從來勿過生日，想勿到伊個80大壽是勒萬米高空過個。阿拉乘了從海南回上海個飛機，東航空姐跑過來獻生日賀卡。就勒搿天早浪送機個大巴士浪向，導游搭仔一整車個游伴，已經(jīng)為老太太鼓掌、祝賀過一趟生日了。
丈母娘經(jīng)常講，做人勿好“船頭怕赤佬，船尾怕強盜”。
退休以后，丈母娘身背小外孫，雙手拎兩只大包，乘火車到深圳，拿小外孫送到香港，又帶回上海。半年一趟，堅持了好幾年。一路浪，外孫是又作又刁，撒尿撒污，丈母娘吃盡苦頭?，F(xiàn)在已經(jīng)是一家國際知名航運公司部門副經(jīng)理個外孫，勒自家婚禮浪感謝善良個外婆，大家儕激動個為老人鼓掌。
現(xiàn)在，丈母娘除脫仔血壓有眼勿穩(wěn)定，其他嘸啥大問題，買汏燒基本自理。伊搿搭就成為了大家個信息交流中心，四個子女基本每日天儕要電話請安，報告家務事，孫子輩也經(jīng)常有得電話來。重孫子個一句奶聲奶氣個“阿太，儂勒勒做啥？”老太太聽得是眉花眼笑呀。但是要是聽小輩討論個話題，是伊嘸沒掌握個內容，伊會覺著失落：迭個事體我哪能勿曉得個呢？
丈母娘是個平凡人，但是伊是有善心待人、樂觀平靜個勿平凡。有搿能一個健康、有趣個長輩陪牢阿拉，親眷朋友儕邪氣羨慕，阿拉自家也覺著實在是忒幸運了呀！
推上海言話敘身邊事體
究吳儂細語吟詩詞歌賦
往期回顧：
圖片來自網(wǎng)絡
聯(lián)系客服
