(一)
半夜寫稿，泡一壺烏龍，剝只赤豆粽子當宵夜，發(fā)覺屋里嘸沒綿白糖。
夜里涼絲絲個，香樟樹個葉子散發(fā)出香味道。走到小區(qū)門口頭，勿到300米個距離，總共有勿下八家二十四小時便利店，結棍喔，上海就是搿點好，買眼東西是真方便。家常過日腳，肉下鍋子，發(fā)現黃酒用脫，吃香煙尋勿著自來火，小囡半夜三更想吃冰淇林，儕可以垃拉屋里附近個二十四小時便利店統(tǒng)統(tǒng)買著。
(二)
出上海，老少看到其他城市也有迭能個便利。一趟垃拉南方個省會城市出差，還是個市中心個酒店，周邊倒也鬧猛，商廈、飯店、發(fā)屋、小鋪并勿少，但就是尋勿到個便利店。我又是個手邊勿備點點心、小食、酸奶、水果之類就勿安心個人。惶惶然走了七八條馬路，總算尋到一家面包房，買了兩只蛋糕算數。上世紀90年代初去香港，別個還好，實在羨慕馬路浪向個“七點十一點”。好像啥儕有。勿管住垃拉啥地方，只要尋到最近個“七點十一點”，就覺著雖然離鄉(xiāng)，仍垃屋里個安然。
(三)
其實從前個上海，也是有便利店個，上海人叫煙紙店。多數垃拉是轉彎角落、弄堂巷口。一個小得勿能再小個門面，賣點日常零碎物品。我記得小辰光弄堂口的煙紙店，是一個老頭獨家經營。香煙是可以拆開一支支賣個。弄堂里個鄰居，要緊需要一包自來火，一刀草紙，儕可以賒賬。阿拉小囡向往個，則是夜到收攤前個清倉處理個斷棒冰。四分洋鈿一根個棒冰，裝垃拉保溫桶里，如果斷了棒頭，就會減價出售，只要三分洋鈿一根，有常時老頭急了收攤，二分洋鈿也是買得到個。迭個對小囡來講，是極大個優(yōu)惠搭誘惑。
埃個辰光個上海，有一家名氣老響個通宵營業(yè)個國營便利店，叫“星火日夜商店”。星火日夜商店就跟伊個名字一樣，是當時冷落荒蕪個深夜里個一點星光。星火商店勿僅供應日常生活所需，還撥拉凌晨進城個菜農提供休息個場所，冬天介一杯熱開水，三伏天是一盆冷水毛巾搭清涼油。商店里甚至常備黃魚車，商店每個工作人員儕會得騎，居民們只要有急需，儕可以得到幫助。星火日夜商店個進貨，真正有市場概念。只要顧客問得多，商店就會盡量補充品種。即使垃拉現在，恐怕也勿是每一家超市商店儕具備個。真?zhèn)€勿得勿佩服上海人超前個商業(yè)意識、服務意識。上海垃拉中國乃至全世界能始終保持商界翹楚地位，也就一眼也勿奇怪了。
(四)
小時候，屋里附近個徐匯區(qū)中心醫(yī)院對面就有一家星火日夜商店。我是個體弱個小囡，半夜里常有頭疼腦熱。爸爸抱我去醫(yī)院吃藥打針完畢，熱麻弱小個我吃苦頭，總歸會帶我去星火日夜商店買一兩塊點心。平時自己拿零花鈿買焦香個中元蛋糕，生病了，我就發(fā)嗲要一塊貴一點個雞心蛋糕，嫩黃嫩黃個，中間鑲了一粒瓜子。雞仔餅搭桃酥儕忒油，我改揀一塊苔條餅，上面交關芝麻。一旁?？匆娪懈乙粯樱赐昙痹\面孔浪掛了眼淚水個小囡，捧一小塊糕餅或者一根棒頭糖，就垃拉店堂融融安靜個燈光里吃起來。對一個受了傷病或者針藥恐懼個小朋友來講，星火日夜商店，大概就是代表安全個樂園。
(五)
便利店也好，煙紙店也好，便利個是生活，撫慰個總是人心。像星星之火，何須燎原，只要垃拉夜空中靜靜明亮，便有溫暖，便勿孤單。
編者語：現在個“便利店”搭從前個“煙紙店”最大個差別，是“便利店”個價鈿比一般商店貴【ju】，而“煙紙店”物事個價鈿比一般商店便宜，而且有個能拆散賣。
